فرمان الہی
نماز کے اوقات
بالی ووڈ سپر اسٹار عامر خان نے اپنی فلموں سے حاصل ہونے والی کمائی سے متعلق حیران کُن انکشاف کر دیا۔
بھارتی میڈیا کی رپورٹس کے مطابق عامر خان نے حالیہ انٹرویو میں بتایا ہے کہ وہ فلموں کے لیے کتنا معاوضہ لیتے ہیں۔
مسٹر پرفیکشنسٹ کے نام سے مشہور بالی ووڈ اداکار اپنی کمال اداکاری اور کاروباری ذہانت کے لیے شہرت رکھتے ہیں، ان کا شمار بالی ووڈ کے موجودہ بڑے فنکاروں میں ہوتا ہے۔
حالیہ انٹرویو میں انہوں نے انکشاف کیا ہے کہ فلم بنانے کے لیے کوئی فیس نہیں لیتا بلکہ فلم کے منافع میں حصہ لیتا ہوں تاکہ فلم کو نقصان نہ ہو اور سنیما کو فائدہ پہنچے۔
عامر خان نے فلموں سے حاصل ہونے والے معاوضے کے حوالے سے بات کرتے ہوئے کہا کہ میں فلم کے بجٹ میں اپنی فیس نہیں رکھتا اور یہ بات میرے لیے واقعی کام کرتی ہے۔
میری فلمیں 10سے 20 کروڑ بھارتی روپے میں بنتی ہیں اور مجھے معلوم ہے کہ اتنی رقم میری فلمیں کمائیں گی۔
اداکار کے مطابق اگر میری فلم باکس آفس پر ناکام ہو جاتی ہے تو مجھے کوئی پیسہ نہیں ملتا۔
