فرمان الہی
نماز کے اوقات
مشہور فلم ساز سنجے لیلا بھنسالی کی 62 ویں سالگرہ کی تقریب میں رنبیر کپور اور عالیہ بھٹ کی شاندار انٹری نے محفل لوٹ لی۔
مشہور فلم ساز سنجے لیلا بھنسالی نے گزشتہ روز اپنی 62 ویں سالگرہ ممبئی میں ایک شاندار تقریب کے ساتھ منائی۔
اس موقع پر بالی ووڈ کے کئی بڑے ستارے شریک ہوئے، لیکن مشہور جوڑے عالیہ بھٹ اور رنبیر کپور نے سب کی توجہ اپنی طرف مبذول کروا لی۔
عالیہ بھٹ، رنبیر کپور اور وکی کوشل سنجے لیلا بھنسالی کی آنے والی فلم لو اینڈ وار Love & War میں ایک ساتھ نظر آئیں گے، اس تقریب میں نہایت دلکش انداز میں پہنچے۔
ایک انسٹاگرام ویڈیو میں عالیہ اور رنبیر کو میڈیا کے لیے پوز کرتے دیکھا جا سکتا ہے، عالیہ آف وائٹ ٹاپ اور میچنگ فلیئرڈ پینٹس میں بےحد خوبصورت لگ رہی تھیں، جبکہ رنبیر نے نیوی بلیو شرٹ اور وائٹ ٹراؤزر میں اپنی اہلیہ کا ساتھ خوب نبھایا۔
تصویری سیشن کے بعد دونوں ہاتھ میں ہاتھ ڈالے وہاں سے روانہ ہوئے، جس پر مداحوں نے بے حد خوشی کا اظہار کیا۔
ایک اور ویڈیو میں رنبیر کو عالیہ کو بھیڑ سے بچاتے ہوئے دیکھا جا سکتا ہے، جس نے ان کے مداحوں کے دل جیت لیے۔
یہ یادگار تقریب ستاروں سے سجی رہی، جہاں بالی ووڈ کی بڑی شخصیات نے سنجے لیلا بھنسالی کے ساتھ ان کے خاص دن کو بھرپور انداز میں منایا۔
