فرمان الہی
نماز کے اوقات
عوامی نیشنل پارٹی (اے این پی) خیبر پختونخوا کے صدر میاں افتخار نے سوال اٹھایا ہے کہ کرم میں لگی آگ پر قابو کیوں نہیں پایا جارہا؟
باچا خان مرکز پشاور میں اے این پی تقریب سے میاں افتخار اور مرکزی رہنما امیر حیدر خان ہوتی نے خطاب کیا۔
میاں افتخار نے کہا کہ کرم میں لگی آگ پر قابو کیوں نہیں پایا جارہا؟وزیرستان میں مقامی لوگوں کے جھگڑوں کی روک تھام بھی نہیں ہو رہی۔
انہوں نے مزید کہا کہ دہشت گردی پر قابو پانے میں وفاقی اور صوبائی حکومتیں ناکام ہیں۔
اے این پی کے صوبائی صدر نے یہ بھی کہا کہ افغانستان سے تجارت ختم کردی گئی ہے، اس ملک میں سازشیں ہر وقت جاری رہتی ہے، دہشت گردی پر قابو پانے میں وفاقی اور صوبائی حکومتیں ناکام ہیں۔
اُن کا کہنا تھا کہ وزیرستان میں مقامی لوگوں کے جھگڑوں کی روک تھام بھی نہیں ہورہی، لکی مروت میں پانی کا شدید مسئلہ پیدا ہوگیا ہے۔
میاں افتخار نے کہا کہ افغانستان سمیت تمام پڑوسی ممالک سے جنگ نہیں چاہتے، ہم ان کے مذاکرات مانتے ہیں نا ہی آپریشن، ان کے مذاکرات میں نقصان عوام کا ہوا ہے۔
امیر حیدر ہوتی نے کہا کہ اےاین پی کی پارلیمانی ناکامی پر افسوس نہیں، سازش کے تحت ہمیں پارلیمنٹ سے باہر رکھا گیاہے۔
