فرمان الہی
نماز کے اوقات
بالی ووڈ انڈسٹری کے نامور کپور خاندان کی صاحبزادی ردھیما کپور نے بیٹی سمارا کے نانی نیتو کپور کو دھکا دینے سے متعلق زیرِ گردش افواہوں پر خاموشی توڑ دی۔
یاد رہے کہ آدر جین کی شادی میں ردھیما کپور کی بیٹی سمارا کی ویڈیو وائرل ہوئی تھی۔
اس ویڈیو پر تبصرہ کرتے ہوئے نیٹیزین نے کہا تھا کہ سمارا نے اپنی نانی نیتو کپور کو تصویر فریم سے باہر نکالنے کے لیے دھکا دیا ہے جس پر ردھیما نے ردِ عمل کا اظہار کیا ہے۔
’ہندوستان ٹائمز‘ کے ساتھ ایک انٹرویو کے دوران ردھیما نے اس موضوع پر گفتگو کے دوران کہا کہ یہ خیال اور تبصرے بے بنیاد ہیں، ایسا کچھ نہیں ہوا تھا کہ سمارا نے نیتو کپور کو دھکا دیا ہو۔
انہوں نے کہا کہ سمارا ناسمجھ بچی ہے جو صرف پوز دینے کی کوشش کر رہی تھی، وہ پریشان نہیں تھی، وہ تقریب میں موجود فوٹوگرافروں کو پوز دینے کے لیے بہت پرجوش تھی۔
ردھیما کپور کا کہنا ہے کہ فوٹوگرافرز انہیں تصویر بنوانے کے لیے جڑ کر کھڑے ہونے کے لیے کہہ رہے تھے جبکہ سمارا اپنا علیحدہ پوز دینا چاہتی تھی، اس نے اپنی نانی کو دھکا نہیں دیا۔
ردھیما کپور نے میڈیا کو بتایا کہ یہ سب افواہیں سننے کے بعد خود سمارا کا کہنا تھا کہ میں نے نانی کو کب دھکا دیا، میں تو خود پوز دینے کی کوشش کر رہی تھی۔
