فرمان الہی
نماز کے اوقات
پاکستان ایران سرحد پر بارٹر ٹریڈ کے معاملہ پر چیئرمین ڈرائی فروٹ درآمد و برآمد ایسوسی ایشن حاجی فوجان نے اپنے بیان میں کہا کہ تفتان بارڈر پر 600 سے زیادہ ٹرک 2 مہینے سے رکے ہوئے ہیں۔
حاجی فوجان نے کہا کہ حکومتی پالیسی کے سبب ایران سے مال کے بدلے مال کی تجارت بند ہوچکی ہے۔
انہوں نے کہا کہ ایف بی آر کہتا ہے یہ معاملہ وزارت تجارت کا ہے، بارڈر پر تجارت بند ہونے کی وجہ سے اسمگلنگ بڑھ گئی ہے۔
حاجی فوجان نے کہا کہ مختلف فورمز پر اپنا کیس پیش کیا، کوئی شنوائی نہیں ہوئی، اب معاملہ وزیراعظم کو بھجوایا جا رہا ہے کہ کابینہ فیصلہ کرے۔
انکا کہنا تھا کہ وزیراعظم سے اپیل ہے کہ اس بارے میں جلد پالیسی مرتب کی جائے۔
