فرمان الہی
نماز کے اوقات
بیلجیئن اداکارہ ایمیلی ڈیکین جو 1999ء میں کانز فلم فیسٹیول میں بہترین اداکارہ کا ایوارڈ جیت چکی تھیں، 43 سال کی عمر میں انتقال کر گئیں۔
اکتوبر 2023ء میں ایمیلی ڈیکین نے انکشاف کیا تھا کہ وہ ایک نایاب اور مہلک بیماری، ایڈرینل گلینڈ کینسر (Adrenal Gland Cancer) میں مبتلا ہیں۔(یہ ایک غیر معمولی قسم کا سرطان ہوتا ہے جو جسم میں ہارمونل عدم توازن اور دیگر پیچیدگیاں پیدا کرتا ہے۔)
ایمیلی ڈیکین 29 اگست 1981ء کو بیلجیئم میں پیدا ہوئیں، انہوں نے بیلجیئم کے میوزک اینڈ اسپوکن ورڈ اکیڈمی (Music & Spoken Word Academy) میں تعلیم حاصل کی، 12 سال کی عمر میں انہوں نے تھیٹر میں اداکاری شروع کی۔
1999ء میں محض 17 سال کی عمر میں انہیں اپنی پہلی فلم روزیٹا (Rosetta) میں مرکزی کردار ملا جس میں شاندار اداکاری پر کانز فلم فیسٹیول میں بہترین اداکارہ کا ایوارڈ دیا گیا۔
