فرمان الہی
نماز کے اوقات
شعیب ملک فہد مصطفیٰ کے ساتھ ہانیہ عامر کے نام پر چھیڑ چھاڑ کرنے سے تنقید کی زد میں آ گئے۔
رمضان گیم شو کے کچھ لمحات سوشل میڈیا پر بحث کا باعث بن گئے۔
سابق کرکٹر شعیب ملک نے میزبان فہد مصطفیٰ کے ساتھ ہانیہ عامر کا ذکر چھیڑ کر ایسا ہی ایک لمحہ تخلیق کیا، جس پر سوشل میڈیا صارفین نے سخت ردِعمل دیا ہے۔
ایک گیم شو میں شعیب ملک اور سرفراز احمد نے بطور مہمان شرکت کی، دورانِ شو شعیب ملک نے فہد مصطفیٰ کو ہانیہ عامر سے متعلق چھیڑا۔
شعیب ملک نے فہد مصطفیٰ سے کہا اس کنٹسٹنٹ کا نام رانیہ ہے، لیکن آپ نے اسے ہانیہ کیوں کہا؟
جس پر فہد مصطفیٰ نے وضاحت دیتے ہوئے جواب دیا کہ میں آپ کو ایک دلچسپ حقیقت بتاؤں، میں نے کبھی ہانیہ عامر کو اس کے نام سے نہیں بلایا میں ہمیشہ اسے شرجینہ کہتا ہوں۔
یہ سن کر شعیب ملک نے مزید چھیڑتے ہوئے کہا کہ اسے اتنا سنجیدہ لینے کی ضرورت نہیں ہے۔
یہ واقعہ سوشل میڈیا پر تیزی سے وائرل ہو گیا اور شعیب ملک کو اس بے مقصد چھیڑ چھاڑ پر شدید تنقید کا سامنا کرنا پڑا۔
ایک صارف نے لکھا کہ شعیب ملک کو اپنی حد میں رہنا چاہیے، وہ شاید ہر کسی کو اپنے جیسا سمجھتا ہے، جیسے انہوں نے ثانیہ مرزا کو دھوکا دیا۔
ایک اور نے تبصرہ کیا اب اپنی دوسری شادی کے بعد شعیب شاید چاہتے ہیں کہ دوسرے لوگ بھی دوسری شادی کریں۔
یہ پہلا موقع نہیں جب شعیب ملک کی ذاتی زندگی اور رویے پر سوالات اٹھے ہوں۔
ان کی ثانیہ مرزا سے علیحدگی اور ثناء جاوید سے دوسری شادی پہلے ہی سوشل میڈیا پر تنازع کا شکار رہی ہے۔
