فرمان الہی
نماز کے اوقات
پاکستان ٹیم منیجمنٹ نے فاسٹ بولر حارث رؤف اور عثمان خان کو نیوزی لینڈ میں ہی رکنے کی ہدایت کرتے ہوئے قومی ون ڈے اسکواڈ میں شامل کر لیا۔
پہلے یہ دونوں کھلاڑی صرف ٹی ٹوئنٹی اسکواڈ میں شامل تھے، ون ڈے اسکواڈ میں شامل باقی 5 کھلاڑیوں نے نیپئر میں ٹیم کو جوائن کر لیا ہے جبکہ ٹی ٹوئنٹی ٹیم کے 8 کھلاڑی وطن واپسی کے لیے روانہ ہوں گے۔
نیوزی لینڈ کے خلاف ٹی ٹوئنٹی سیریز مکمل ہونے کے بعد پاکستان ٹیم کے کھلاڑی اور کوچنگ اسٹاف ویلنگٹن سے نیپئر روانہ ہوگئے ہیں۔
سلمان علی آغا، حارث رؤف، خوشدل شاہ، عرفان خان نیازی، ابرار احمد، سفیان مقیم، محمد علی اور عثمان خان نے نیپئر میں ون ڈے اسکواڈ کو جوائن کرلیا جبکہ کپتان محمد رضوان، بابر اعظم سمیت 9 کھلاڑی پہلے ہی نیپئر میں موجود ہیں۔
پاکستان اور نیوزی لینڈ کے درمیان 3 میچز پر مشتمل ون ڈے سیریز 29 مارچ کو شروع ہو گی۔
یاد رہے کہ دونوں ٹیموں کے درمیان 5 میچز کی ٹی ٹوئنٹی سیریز میں پاکستان کو 1-4 سے شکست ہوئی تھی۔
