• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اور روس کا تجارت و صنعتی شعبوں میں تعلقات کو وسعت دینے پر زور

وزیر خزانہ محمد اورنگزیب اور روس کے نائب وزیر اعظم الیکسی اوورچک کی ملاقات ہوئی ہے۔ یہ ملاقات باؤ فورم برائے ایشیا کانفرنس کے موقع پر ہوئی۔

ملاقات میں دونوں رہنماؤں نے توانائی، تجارت اور صنعتی شعبوں میں تعلقات کو وسعت دینے پر زور دیا۔

ملاقات کے دوران پن بجلی کے شعبے میں تعاون کے مواقع پر بھی بات چیت کی گئی، وزیر خزانہ محمد اورنگزیب نے پاکستان روس فریٹ پائلٹ ٹرین منصوبے کو اہم قرار دیا۔

اعلامیے میں کہا گیا ہے کہ پاکستان روس فریٹ پائلٹ ٹرین منصوبہ 31 مارچ 2025 کو شروع ہوگا۔

وزیر خزانہ نے روس کے تعاون سے پاکستان میں ایک نئی اسٹیل مل کے قیام پر گفتگو کی، ملاقات کے دوران اس حوالے سے فزیبلٹی اسٹڈی اور لاگت کے تخمینے کا جائزہ لیا گیا۔

قومی خبریں سے مزید