فرمان الہی
نماز کے اوقات
بالی ووڈ سپر اسٹار سلمان خان کی ایکشن فلم سکندر باکس آفس پر تہلکہ مچانے میں ناکام ہوگئی۔
مداحوں کو عید کے تہوار کے موقع پر سلمان خان اور راشمیکا مندانا کی فلم سکندر کا بے صبری سے انتظار تھا جو بالآخر 30 مارچ کو سینما گھروں کی زینت بنی۔
تجزیہ کاروں اور فلم سازوں کی توقعات کے برعکس سکندر نے ریلیز کے پہلے دن صرف 26 کروڑ روپے کا بزنس کیا، جو کافی مایوس کن ثابت ہوا۔
بھارتی میڈیا کے مطابق فلم کے ہندی ورژن کی اوسط نشست 23.47 فیصد رہی، جو کہ فلم کی زبردست تشہیر کے باوجود غیر معمولی طور پر کم ہے۔
اگرچہ سکندر کو عید کے خاص موقع پر سلمان خان کے بڑے تحفے کے طور پر پیش کیا گیا تھا لیکن یہ فلم حالیہ ریلیز ہونے والی دیگر فلموں کے مقابلے میں کمزور ثابت ہوئی۔
وکی کوشل کی فلم چھاوا نے پہلے دن 31 کروڑ روپے کمائے، جس کے مقابلے میں سکندر کا کلیکشن کم رہا۔
سلمان خان کی اپنی ہی فلم ٹائیگر زندہ ہے نے پہلے دن 33 کروڑ روپے کا بزنس کیا تھا، جسے سکندر پیچھے چھوڑنے میں ناکام رہی۔
سکندر نے سلمان خان کی گزشتہ فلم کسی کا بھائی کسی کی جان کو پیچھے چھوڑ دیا، جس نے پہلے دن صرف 15 کروڑ روپے کمائے تھے۔
