فرمان الہی
نماز کے اوقات
جمعیت علمائے اسلام (جے یو آئی۔ف) کے سینئر رہنما سینیٹر کامران مرتضیٰ نے پاکستان تحریک انصاف (پی ٹی آئی) کے اسٹیبلشمنٹ سے رابطوں پر سوال اٹھادیا۔
جیو نیوز کے پروگرام ’آج شاہ زیب خانزادہ کے ساتھ‘ گفتگو میں انھوں نے کہا کہ ہمارے خدشات پر پی ٹی آئی کے سینیٹر ڈاکٹر ہمایوں مہمند نے رابطہ کرکے وضاحت کی ہے کہ اسٹیبلشنٹ سے کوئی رابطہ نہیں ہے۔
سینیٹر کامران مرتضیٰ نے کہا کہ لیکن ہم یہ وضاحت اسد قیصر کی طرف سے سننا چاہتے ہیں۔
انہوں نے کہا کہ ہمایوں مہمند سے آج میرا رابطہ ہوا تھا، انہوں نے بتایا کہ رابطوں کی ایسی کوئی بات نہیں۔ میں نے ہمایوں مہمند کو کہا کہ ہمیں بتادیں تاکہ ہم اپنا فیصلہ کرسکیں۔
کامران مرتضیٰ نے کہا کہ ہم جس سے بھی بات کریں اتحاد کے پلیٹ فارم سے ہو، کوئی باہر سے آئے اور اس سے بات چیت ہو اس پر ہمارے تحفظات ہیں۔
انہوں نے کہا کہ ہم چاہتے ہیں کہ رابطوں پر اسد قیصر کی طرف سے واضاحت آئے، اگر ہمارے ساتھ آگے بڑھنا ہے تو انڈراسٹینڈنگ پر قائم رہنا ہوگا۔
