فرمان الہی
نماز کے اوقات
معروف بین الاقوامی برانڈز ورساچے اور ارمانی کے ساتھ تعاون کے بعد مشہور ہونے والی آسٹریلوی ماڈل لوسی مارکووچ 27 سال کی عمر میں چل بسی۔
میڈیا رپورٹس کے مطابق لوسی مارکووچ کی حال ہی میں دماغ کی سرجری ہوئی تھی، سرجری سے پیدا ہونے والی پیچیدگیوں نے 27 سالہ ماڈل کی جان لے لی۔
میڈیا رپورٹس کے مطابق لوسی آسٹریلیا کی ٹاپ نیکسٹ ماڈل تھیں۔
لوسی مارکووچ کے گھر والوں نے ماڈل کے انتقال کا اعلان کرتے ہوئے بتایا ہے کہ لوسی کے دماغ کی شریانوں میں خرابی کے سبب سرجری کروائی گئی تھی۔
اس سے قبل ماڈل مارکووچ نے بھی انکشاف کیا تھا کہ وہ شریانوں کی خرابی (AVM) کے لیے سرجری کروانے والی ہیں۔
دوسری جانب لوسی مارکووچ کی ایجنسی نے اپنے جاری کردہ بیان میں لوسی مارکووچ کو ایک روشن چہرہ اور روشنی قرار دیا ہے۔
لوسی کی ایجنسی کا کہنا ہے کہ ماڈلنگ لوسی کے خوابوں میں سے ایک خواب تھا اور ہمیں اس کے ساتھ اس کے سفر کا حصہ بننے پر بہت فخر ہے۔
