فرمان الہی
نماز کے اوقات
میئر کراچی مرتضیٰ وہاب نے کلفٹن بلاک 2 میں عمر شریف پارک کی حیثیت تبدیل کرنے سے متعلق درخواست پر سماعت کے دوران عدالت میں جواب جمع کروا دیا۔
مرتضیٰ وہاب نے توہینِ عدالت کی درخواست پر جواب جمع کرواتے ہوئے کہا کہ پارک کی حیثیت تبدیل نہیں کی گئی، اسے رفاہی مقصد کے لیے استعمال کیا جا رہا ہے۔
میئر کراچی کے مطابق پارک کو اصل مقصد کے لیے ہی استعمال کیا جا رہا ہے، اس میں نہ کوئی مستقل تعمیرات کی گئیں نہ گرائی گئیں۔
ان کا کہنا ہے کہ کے ایم سی کے خلاف پارک کا قبضہ نجی افراد کو دینے کا الزام غلط ہے۔
عدالت میں جمع شدہ جواب میں انہوں نے کہا ہے کہ اسپورٹس کی سہولتیں کے ایم سی کی زیرِ نگرانی ہیں، پارک میں اسپورٹس کی سہولتیں کمرشل بنیادوں پر نہیں ہیں۔
ان کا کہنا ہے کہ سپریم کورٹ کے احکامات کے مطابق پارک میں تفریحی سہولتیں فراہم کی ہیں۔
عدالت نے درخواست گزار کے وکیل کو جواب الجواب جمع کروانےکے لیے 6 مئی تک مہلت دے دی۔
