فرمان الہی
نماز کے اوقات
(1)(2)_updates.jpg)
وزیرِ اعلیٰ پنجاب مریم نواز کا کہنا ہے کہ ملیریا کا خاتمہ اور صحت مند معاشرہ پنجاب حکومت کی ترجیح ہے۔
انسدادِ ملیریا کے عالمی دن پر ایک پیغام میں وزیرِ اعلیٰ پنجاب کا کہنا ہے کہ ملیریا خطرناک مگر قابلِ علاج مرض ہے، خاتمے کے لیے متحد ہونا ہو گا۔
انہوں نے کہا ہے کہ انسدادِ ملیریا کے لیے جدید حکمتِ عملی پر مؤثر عمل درآمد جاری ہے۔
مریم نواز نے کہا ہے کہ ملیریا سے بچاؤ کے لیے خصوصی فنڈز مختص کیے گئے ہیں، ہر ضلع میں اینٹی ملیریا اسپرے، مفت ٹیسٹ اور علاج کی سہولتیں فراہم کی جا رہی ہے۔
ان کا کہنا ہے کہ ملیریا ہاٹ اسپاٹ اور زیادہ متاثرہ علاقوں میں بروقت طبی امداد پہنچائی جا رہی ہے۔
وزیرِ اعلیٰ پنجاب نے مزید کہا ہے کہ عوام ملیریا کے خاتمے کے لیے احتیاطی تدابیر اختیار کریں، صاف پانی کو ڈھانپ کر رکھیں اور مچھر دانیوں کا استعمال کریں۔
انہوں نے یہ بھی کہا ہے کہ پنجاب کا ہر بچہ، ہر ماں، ہر خاندان ہماری ترجیح ہے اور ان کا تحفظ ہمارا مشن ہے۔
