فرمان الہی
نماز کے اوقات
پاکستان کے معروف یوٹیوبر اذلان شاہ اور وریشہ نے اپنی ماہانہ کمائی سے متعلق انکشاف کیا ہے۔
اذلان شاہ اور وریشہ نے حال ہی میں جیو پوڈکاسٹ میں شرکت کی۔ اس دوران انہوں نے یوٹیوب پر ڈراؤنی اسٹوریز سنانے، ڈراؤنی پوڈکاسٹ کے سلسلے، گھر میں ہونے والے عجیب و غریب واقعات اور بیٹی کے ڈرنے سے متعلق کھل کر بات کی۔
یوٹیوبرز نے بتایا کہ اب ہم نے یہ پوڈکاسٹ اب بند کر دیا ہے کیوں کہ ہمارے گھر کا ماحول بالکل بدلتا جا رہا تھا، غیر مرئی چیزوں نے اسٹوڈیو کے بعد ہمارے گھر کا رُخ کر لیا تھا۔
پوڈکاسٹر و یوٹیوبر اذلان شاہ نے انٹرویو کے دوران بالی ووڈ کنگ شاہ رخ خان سے ہونے والی ملاقات کا دلچسپ واقعہ بھی سنایا جبکہ یوٹیوبر رجب بٹ اور اداکار فہد مصطفیٰ کے تنازع پر گفتگو کرنے کے علاوہ میاں بیوی کا رشتہ مضبوط کرنے کےلیے ٹپس بھی دیں۔
میزبان مبشر ہاشمی کی جانب سے یوٹیوب سے ہونے والی کمائی سے متعلق پوچھے گئے سوال کے جواب میں اذلان شاہ نے بتایا کہ وہ کوئی ایک فیگر تو نہیں بتا سکتے۔
اس دوران ڈاکٹر و مواد تخلیق کار وریشہ شاہ نے کہا کہ ان کی کمائی ہر ماہ ایک جیسی نہیں ہوتی، کمائی کبھی کم اور کبھی زیادہ بھی ہوتی ہے۔
اذلان شاہ نے مزید کہا کہ ہماری کمائی کا آپ یہاں سے اندازہ لگا لیں گے ہم دونوں کو گھومنے کا بہت شوق ہے اور ہم اتنا کما لیتے ہیں کہ ہر سال دو سے تین ممالک کا آرام سے سفر کر سکیں۔
