• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرکاش راج کی فواد خان کی فلم ابیر گلال کی حمایت

—تصاویر بشکریہ سوشل میڈیا
—تصاویر بشکریہ سوشل میڈیا

ساؤتھ اور ہندی فلموں کے معروف اداکار پرکاش راج نے پاکستانی اداکار فواد خان کی آئندہ آنے والی بالی ووڈ فلم ابیر گلال کی حمایت میں بولتے ہوئے تخلیقی آزادی اور کراس بارڈر آرٹسٹک ایکس چینج (سرحد کے آر پار فنکاروں اور فن کے تبادلے) کی ضرورت پر زور دیا ہے۔ 

واضح رہے کہ اس وقت فواد خان کے اس پروجیکٹ کے حوالے سے کافی تنازع کھڑا کر دیا گیا ہے، تاہم بھارتی فلموں میں ولن کے روپ میں نظر آنے والے 60 سالہ پرکاش راج صحیح معنوں میں امن اور فن کے حمایتی نظر آ رہے ہیں۔ 

واضح رہے کہ پرکاش راج صرف اداکاری ہی نہیں کرتے بلکہ وہ فلموں کے ہدایت کار، پروڈیوسر، ٹیلی ویژن پریزنٹر اور سیاستداں بھی ہیں۔

سابق ریاست میسور کے شہر بنگلورو میں پیدا ہونے والے پرکاش نے ہندی کے علاوہ تیلگو، تامل، کناڈا، ملیالم اور انگلش فلموں میں بھی کام کیا ہے۔

بھارتی میڈیا سے گفتگو میں انہوں نے کہا کہ متنازع مواد والی فلم سمیت کسی بھی فلم پر اس وقت تک پابندی نہیں لگانا چاہیے جب تک کہ اس میں ضرر رساں مواد جیسے کہ بچوں کے ساتھ زیادتی یا فحاشی پر مبنی مواد شامل نہ ہوں۔

انٹرٹینمنٹ سے مزید