فرمان الہی
نماز کے اوقات
برطانیہ نے بعض ممالک کے شہریوں کے ویزے محدود کرنے پر غور شروع کر دیا۔
میڈیا رپورٹ کے مطابق برطانوی وزراء کا کہنا ہے کہ ان ممالک سے کام یا تعلیمی ویزے پر آنے والے سیاسی پناہ طلب کر لیتے ہیں، ہوم آفس کے اعداد و شمار کے مطابق گزشتہ برس 1 لاکھ 8 ہزار افراد نے سیاسی پناہ طلب کی۔
سیاسی پناہ طلب کرنے والے پاکستانیوں کی تعداد سب سے زیادہ 10 ہزار 542 تھی، دوسرے نمبر پر سری لنکن 2 ہزار 862 اور تیسرے پر نائجیرین 2 ہزار 841 کی تعداد کے ساتھ رہے۔
گزشتہ برس 1 لاکھ 7 ہزار 480 بھارتی اور 98 ہزار 400 چینی طلبہ برطانیہ آئے تھے۔
میڈیا رپورٹ کے مطابق مجوزہ منصوبے سے پاکستان، نائجیریا اور سری لنکا سے برطانیہ آنا مشکل ہو سکتا ہے، ابھی یہ واضح نہیں کہ کون سے ممالک کے افراد زائد المدت قیام کرتے ہیں۔
برطانوی ہوم آفس نے 2020ء کے بعد ایگزٹ چیک کے اعداد و شمار شائع نہیں کیے ہیں۔
فیلو تھنک ٹینک یو کے ان چینجنگ یورپ پرفیسر جوناتھن پورٹس کا اس حوالے سے کہنا ہے کہ ویزوں پر پابندی سے پناہ کی درخواستوں پر کافی کم اثر پڑے گا۔
