فرمان الہی
نماز کے اوقات
چیئرمین پاکستان تحریک انصاف (پی ٹی آئی) بیرسٹر گوہر علی خان نے کہا ہے کہ بانی پی ٹی آئی ناحق جیل میں ہیں ان کے خلاف سارے کیسز سیاسی ہیں۔
چیئرمین پی ٹی آئی بیرسٹر گوہر علی خان نے اڈیالہ جیل کے قریب پولیس ناکے پر میڈیا سے گفتگو کرتے ہوئے کہا کہ ہماری دعا ہے کہ بانی پی ٹی آئی اسی ہفتے رہا ہوں، ان شاء اللّٰہ جلدی ہوں گے۔
انہوں نے بتایا کہ 6 مئی کو کوئی ملاقات اڈیالہ جیل میں نہیں ہوئی نہ کوئی بریفنگ ہوئی، بانی پی ٹی آئی نے ہم سے ملاقات میں ایسی کسی بریفنگ کا تذکرہ نہیں کیا۔
بیرسٹر گوہر خان نے کہا کہ بانی پی ٹی آئی ناحق جیل میں ہیں، سارے کیسز سیاسی ہیں اور ہم سمجھتے ہیں اب بہت ہوگیا عام فہم پروان چڑھنی چاہیے۔
چیئر مین پی ٹی آئی نے بانی پی ٹی آئی کے حوالے سے بات کرتے ہوئے کہا کہ بانی کی رہائی سے متعلق ہم مایوس نہیں اور ہماری دعا ہے بانی پی ٹی آئی اسی ہفتے رہا ہوں، ان شاء اللّٰہ جلدی ہوں گے، اس حوالے سے کوئی نہ کوئی طریقہ نکالنا پڑے گا۔
ایوان میں پیش آنے والے نئے معاملات پر تبادلہ خیال کرتے ہوئے انہوں نے کہا کہ ان ہاؤس تبدیلی ہمارے کارڈز پر نہیں، نہ ایسا کوئی فیصلہ ہوا۔
