فرمان الہی
نماز کے اوقات
پاکستان تحریکِ انصاف (پی ٹی آئی) کے سینئر رہنما اور سابق وفاقی وزیر اعظم خان سواتی کا کہنا ہے کہ باہر جانا میرا قانونی حق ہے، بار بار لسٹ میں نام ڈال کر مجھے روکا جا رہا ہے۔
پشاور میں جیو نیوز سے گفتگو کرتے ہوئے اعظم سواتی نے کہا کہ خیبر پختونخوا میں پی ٹی آئی لیڈرشپ میں 5 اکتوبر کو صرف میں کیوں گرفتار ہوا؟ 5 ما جیل میں رہا، یہ سوال میں عوام پر چھوڑتا ہوں۔
ان کا کہنا تھا کہ فارم 47 والوں کو عوام نہیں مانتے، صرف بانی پی ٹی آئی کو مانتے ہیں۔ اس وقت صرف فوجی قیادت ہے اور عوامی قیادت بانی پی ٹی آئی ہے۔
انہوں نے کہا کہ بانی پی ٹی آئی کا رہا ہو کر افواج اور عوام کے ساتھ کھڑا ہونا بنیادی ضرورت ہے۔
اعظم سواتی کے مطابق مودی آر ایس ایس اور ہٹلر کی پالیسی کا ترجمان ہے، مودی ہندؤں کی انتہا پسند جماعت کا ترجمان ہے۔ مودی کا مقابلہ کرنے اور معیشت کے استحکام کےلیے بانی پی ٹی آئی کی رہائی ناگزیر ہے۔
ان کا کہنا ہے کہ مولانا فضل الرحمان بہت بڑی عوامی قوت ہے، اس حقیقت کو رد نہیں کرسکتے۔ گرینڈ الائنس اچھی بات ہے لیکن مولانا کا ان کے ساتھ ہونا انتہائی ضروری ہے، ملک کی جیت میں شہباز شریف کا کوئی کردار نہیں۔
