فرمان الہی
نماز کے اوقات
سعودی سپریم کورٹ نے عوام سے منگل 27 مئی کو ذی الحج کا چاند دیکھنے کی اپیل کی ہے۔
دارالحکومت ریاض سے جاری کیے گئے اعلامیے میں سعودی سپریم کورٹ نے کہا ہے کہ ذی الحج کا چاند دیکھنے کے بعد شہری قریبی عدالت میں گواہی درج کروائیں۔
واضح رہے کہ سعودی عرب میں منگل کو چاند نظر آنے کی صورت میں وہاں عیدالاضحیٰ جمعہ 6 جون 2025ء کو ہونے کا امکان ہے۔
دوسری جانب پاکستان میں بھی ذی الحج کا چاند دیکھنے کے لیے منگل 29 ذیقعد، 27 مئی کو مرکزی رویتِ ہلال کمیٹی کا اجلاس منعقد ہو گا۔
واضح رہے کہ پاکستان اسپیس اینڈ اپر ایٹموسفیئر ریسرچ کمیشن (سپارکو) نے ذی الحج کا آغاز بدھ 29 مئی 2025ء سے ہونے کا امکان ظاہر کیا ہے۔
سپارکو کے مطابق ملک بھر میں عیدالاضحیٰ ہفتہ 7 جون کو ہونے کا امکان ہے۔
سپارکو کا کہنا ہے کہ ملک بھر میں 29 ذیقعد کو چاند کے نظر آنے کے امکانات تقریباً نہ ہونے کے برابر ہیں۔
سپارکو کے مطابق ذی الحج کے چاند کی پیدائش 27 مئی کو 8 بج کر 2 منٹ پر ہوگی اور چاند کی عمر تقریباً 11 گھنٹے 34 منٹ ہوگی۔
