فرمان الہی
نماز کے اوقات
کراچی کے علاقے عائشہ منزل کے قریب ملزمان شہری سے قربانی کے جانور اور رکشہ چھین کر فرار ہوگئے۔
واقعے کے بعد کی ویڈیو سوشل میڈیا پر وائرل ہے، جس میں متاثرہ شہری کو روتے دیکھا جاسکتا ہے۔
پولیس حکام کے مطابق گزشتہ روز ہونے والے واقعے کا مقدمہ تھانہ عزیزآباد میں متاثرہ شہری راشد کی مدعیت میں درج کر لیا گیا ہے۔
مقدمے کے متن کے مطابق متاثرہ شہری اپنے 3 دنبے فروخت کرنے لے کر گیا تھا۔ دنبے فروخت نہ ہونے پر واپس اپنے گھر ایف سی ایریا جا رہا تھا۔
مدعی کے مطابق عائشہ منزل کے قریب 2 موٹرسائیکلوں پر سوار 4 ملزمان نے اسے روکا اور مسلح ملزمان تینوں دنبوں سمیت رکشہ چھین کر فرار ہوگئے۔
