• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب: دفعہ 144 کے تحت مختلف پابندیاں عائد

---فائل فوٹو
---فائل فوٹو 

صوبۂ پنجاب میں دفعہ 144 کے تحت مختلف پابندیاں عائد کر دی گئیں۔

پنجاب کے محکمۂ داخلہ کی جانب سے جاری کیے گئے حکم نامے کے مطابق کبوتر بازی، آتش بازی، ڈرون، لیزر لائٹ کے استعمال اور آلائشیں پھینکنے پر پابندی ہوگی، صوبے بھر میں پابندیوں کا اطلاق 5 جون سے 20 جون تک ہوگا۔

حکم نامے کے مطابق یہ فیصلہ انسانی جانوں اور املاک کو محفوظ بنانے کے لیے کیا گیا، پرندے آلائشوں کی جانب راغب ہوتے ہیں جو طیاروں اور مسافروں کے لیے خطرات کا باعث ہے۔

محکمۂ داخلہ نے حکم نامے میں کہا ہے کہ تمام ڈپٹی کمشنرز ایئرپورٹس اور گرد و نواح میں صفائی کا خاص انتظام یقینی بنائیں۔

محکمۂ داخلہ کے مطابق پنجاب بھر میں پابندی کا اطلاق ہوائی اڈوں اور ایئر بیسز کے اطراف 15 کلو میٹر تک ہوگا۔

قومی خبریں سے مزید