فرمان الہی
نماز کے اوقات
پاکستانی تاجر محمد آصف حفیظ کو امریکا میں منشیات کیس میں 23 برس کی سزا کا سامنا ہے۔
نیو یارک سدرن ڈسٹرکٹ کورٹ کے فیصلے میں کہا گیا ہے کہ امریکا نے پلی بارگین معاہدے کی خلاف ورزی نہیں کی۔
آصف حفیظ نے امریکی حکومت کی طرف سے معاہدے کی خلاف ورزی پر سزا کم کر کے 10 برس کرنے کی درخواست کی تھی۔
پاکستانی تاجر آصف حفیظ نے 18 نومبر 2024ء کو امریکا میں ہیروئن کی تیاری کی سازش اور امریکا درآمد کرنے کا اعتراف کیا تھا۔
آصف حفیظ کے وکلاء کے مطابق امریکا کی سخت شرائط کے سبب ان کے پاس جرم قبول کرنے کے سوا آپشن نہیں تھا۔
محمد آصف حفیظ کی گرفتاری 25 اگست 2017ء کو لندن میں ہوئی اور 12 مئی 2023ء کو اسے امریکا کے حوالے کیا گیا تھا۔
بکتاش عکاشہ عبداللّٰہ، ابراہیم عکاشہ عبداللّٰہ، غلام حسین اور وجے گیری گوسوامی پر منشیات امریکا اسمگل کرنے کی سازش کا الزام تھا۔
بکتاش عکاشہ عبداللّٰہ کو 25 اور ابراہیم عکاشہ عبداللّٰہ کو 23 برس کی سزا سنائی جا چکی ہے۔
آصف حفیظ پر یہ الزام بھی عائد کیا گیا ہے کہ وہ 1993ء سے 2017ء تک منشیات کی تجارت میں ملوث رہا۔
