فرمان الہی
نماز کے اوقات
وزیرِاعظم شہباز شریف نے بھارت کے ساتھ حالیہ تنازع کے دوران مستقل حمایت کرنے پر صدر آذربائیجان الہام علییف کا شکریہ ادا کیا۔
اقتصادی تعاون تنظیم کے 17ویں سربراہی اجلاس کے دوران وزیرِاعظم شہباز شریف کی آذربائیجان کے صدر الہام علییف کے ساتھ دو طرفہ ملاقات ہوئی ہے۔
شہباز شریف نے ای سی او سربراہی اجلاس کی میزبانی پر آذربائیجان کے صدر کو مبارکباد دی۔
وزیرِاعظم نے پاکستانی وفد کے دورۂ لاچین میں مہمان نوازی پر صدر اور آذربائیجان کے عوام کا شکریہ ادا کیا۔ شہباز شریف نے صدر الہام کو جَلد پاکستان کا دورہ کرنے کی دعوت کا اعادہ کیا۔
ملاقات کے دوران دونوں رہنماؤں نے تجارت اور سرمایہ کاری کے شعبوں میں تعاون بڑھانے اور سرمایہ کاری کے امکانات سے متعلق ہونے والی پیشرفت پر اطمینان کا اظہار کیا گیا۔
اس موقع پر وزیراعظم شہبازشریف کا کہنا تھا کہ پاکستان نے بھی مشکل وقت میں آذربائیجان کی مسلسل حمایت کی ہے۔
وزیر اعظم نے یہ بھی کہا کہ دونوں ممالک کی قیادت کی حالیہ بات چیت باہمی تعلقات کی مزید مضبوطی میں معاون ثابت ہوئی ہے۔
