فرمان الہی
نماز کے اوقات
سیکریٹری الیکشن کمیشن کی جانب سے وزیراعلیٰ خیبر پختونخوا علی امین گنڈا پور کو لکھے گئے خط کا متن سامنے آگیا۔
الیکشن کمیشن کے سیکریٹری کے خط میں کہا گیا ہے کہ 2 جولائی2025 کو خواتین و غیر مسلموں کیلئے مخصوص نشستوں پر کامیاب امیدواروں کا نوٹیفکیشن جاری کیا گیا، ان ارکان سے ابھی تک حلف نہیں لیاگیا اس لیے وہ نہ اسمبلی اجلاس میں حصہ لے سکتے ہیں نہ ہی ووٹ ڈال سکتے ہیں۔
خط میں کہا گیا کہ خیبر پختونخوا میں سینیٹ انتخابات کی تاریخ 21 جولائی 2025 مقرر کی گئی ہے، عدالتوں میں مقدمات اور تاخیر کے باعث حلف کا عمل مکمل نہیں ہو سکا۔
الیکشن کمیشن کے خط میں کہا گیا کہ اس سے قبل اسپیکر صوبائی اسمبلی کو مخصوص نشستوں پر منتخب ارکان سے حلف لینے کی درخواست کی گئی تھی، اسپیکر نے آگاہ کیا کہ اسمبلی کا اجلاس فی الحال جاری نہیں، وہ اجلاس طلب نہیں کرسکتے۔
خط میں کہا گیا کہ آئین کے آرٹیکل109 کے مطابق گورنر کو اختیار حاصل ہے کہ وہ صوبائی اسمبلی کا اجلاس اپنی صوابدید پر طلب کرے، آرٹیکل 105 میں درج ہے کہ گورنر اپنی آئینی ذمہ داریاں وزیر اعلیٰ یا کابینہ کی مشاورت سے ادا کرے گا، پشاور ہائیکورٹ 27 مارچ 2024 کے ایک فیصلے میں اپنی رائے دے چکی ہے کہ صوبائی حکومت تمام ضروری اقدامات کرے۔
