فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے تیسرے روز اتار چڑھاؤ کے بعد مثبت رجحان دیکھا گیا۔
بازار حصص میں کاروبار کا منفی آغاز ہوا، جو تھوڑی دیر بعد منفی سے مثبت زون میں تبدیل ہوگیا، 100 انڈیکس میں ایک ہزار 78 پوائنٹس کا اضافہ ریکارڈ کیا گیا جس کے بعد ایک لاکھ 37 ہزار کی حد دوبارہ بحال ہوئی اور انڈیکس ایک لاکھ 37 ہزار 81 پوائنٹس پر پہنچا۔
کاروبار کے اختتام پر 100 انڈیکس میں 440 پوائنٹس کا اضافہ ہوا جس سے انڈیکس ایک لاکھ 36 ہزار 379 پر بند ہوا۔
کاروبار کے دوران 100 انڈیکس ایک لاکھ 37 ہزار 232 کی بلندی پر بھی پہنچا جبکہ انڈیکس ایک لاکھ 35 ہزار 542 کی نچلی سطح پر بھی آیا۔
گزشتہ روز کاروبار کے اختتام پر 100 انڈیکس ایک لاکھ 35 ہزار 939 کی سطح پر بند ہوا تھا۔
