فرمان الہی
نماز کے اوقات
فیفا ورلڈ کپ میں پیرو کی کوچنگ کرنے والے نولبرٹو سولانو پاکستان فٹبال ٹیم کے کوچ مقرر ہوگئے۔
پاکستان فٹبال فیڈریشن (پی ایف ایف) ایگزیکٹو کمیٹی نے قومی ٹیم کے کوچ اور اسسٹنٹ کوچ کی منظوری دیدی۔
ارجنٹائن سے تعلق رکھنے والے جیورج کاسٹانیئرا کو فٹبال ٹیم کا اسسٹنٹ کوچ مقرر کیا گیا ہے۔
پی ایف ایف ایکس۔کو میں 13 میں سے 7 اراکین نے تقرری کی منظوری دی، 6 نے مخالفت کی۔ نولبرٹو سولانو اور جیورج کاسٹانیئرا کی تقرری ایک سال کیلئے کی گئی ہے۔
دونوں کوچز پاکستان کی قومی فٹبال ٹیم اور انڈر 23 فٹبال ٹیم جوائن کرنے پر راضی ہوچکے۔
پاکستان فٹبال فیڈریشن ان دونوں کوچز کے ساتھ رواں ہفتے معاہدہ سائن کرلے گی۔ نولبرٹو سولانو 2018 کے فیفا ورلڈ کپ میں پیرو فٹبال ٹیم کے کوچ تھے۔
2022 ورلڈ کپ کوالیفائرز میں بھی نولبرٹو نے پیرو کی ٹیم کی کوچنگ کی تھی۔ 48 سالہ نولبرٹو سولانو فیفا پرو لائسنس کوچ ہیں اور وہ پیرو کی جانب سے 95 میچز کھیل چکے ہیں۔
جبکہ اسسٹنٹ کوچ جیورج کاسٹانیئرا وینزویلا کی نیشنل ٹیم اور متعدد کلبز کے ساتھ کام کرچکے ہیں۔
