فرمان الہی
نماز کے اوقات
اسلام آباد کی انسداد دہشت گردی کی عدالت نے احتجاج کے کیس میں پاکستان تحریک انصاف (پی ٹی آئی) کے رہنما عمر ایوب کے وارنٹ گرفتاری منسوخ کر دیے۔
عمر ایوب، اعظم سواتی و دیگر کارکنان کے خلاف 4 اکتوبر کو احتجاج کے کیسز کی سماعت جج طاہر عباس سِپرا نے کی۔
عمر ایوب کی جانب سے وکیل انسداد دِہشت گردی کی عدالت میں پیش ہو گئے جس کے بعد جج طاہر عباس نے عمر ایوب کے قابلِ ضمانت وارنٹ گرفتاری منسوخ کیے۔
وکیل نے عمر ایوب کی حاضری سے استثنیٰ کی درخواست اور طبی رپورٹ عدالت میں جمع کرواتے ہوئے کہا کہ عمر ایوب کو طلبی کا نوٹس موصول نہیں ہوا تھا۔
عدالت نے پی ٹی آئی کے سینیٹر اعظم خان سواتی کی حاضری سے استثنیٰ کی درخواست منظور کر لی۔
عدالت نے غیر حاضر ملزمان کے ضمانتی مچلکے ضبط کرنے کا حکم دیتے ہوئے کیس کی سماعت 30 جولائی تک ملتوی کر دی۔
