فرمان الہی
نماز کے اوقات
وزیر اعلیٰ خیبرپختونخوا علی امین گنڈاپور اپنے خلاف اسلحہ اور شراب برآمدگی کیس میں عدالت میں پیش ہو گئے، جس کے بعد عدالت نے ان کے وارنٹ گرفتاری منسوخ کر دیے۔
ڈسٹرکٹ اینڈ سیشن کورٹ اسلام آباد میں علی امین گنڈاپور کے خلاف اسلحہ و شراب برآمدگی کیس کی سماعت ہوئی۔
عدالت نے علی امین گنڈاپور کے ضمانتی کو دیا گیا شوکاز نوٹس بھی واپس لے لیا۔
واضح رہے کہ اس سے قبل اسلحہ شراب برآمدگی کیس میں وزیر اعلیٰ خیبر پختونخوا علی امین گنڈاپور نے عدالت میں آج پیشی کے لیے مہلت مانگی تھی۔
وکیل صفائی ظہورالحسن عدالت میں پیش ہوئے اور کہا تھا کہ آج آپ کے حکم کی تعمیل ہو گی، تھوڑا سا وقت دیں۔
جج مبشر حسن چشتی نے کہا کہ آپ لیں وقت، بس علی امین کو پیش کر دیں۔
وکیل نے بتایا تھا کہ سیکیورٹی آچکی ہے جیسے ہی گرین سگنل دیں گے، علی امین گنڈاپور پہنچ جائیں گے۔
جس کے بعد عدالت نے علی امین گنڈاپور کے آنے تک سماعت میں وقفہ کر دیا تھا۔
واضح رہے کہ گزشتہ سماعت میں اسلحہ و شراب برآمدگی کیس میں وزیر اعلیٰ خیبر پختونخوا علی امین گنڈاپور کا 342 کا بیان قلمبند نہیں ہو سکا تھا۔
