فرمان الہی
نماز کے اوقات
ملک میں جاری چینی کے بحران پر وفاقی حکومت نے شوگر ملز کے خلاف ایکشن لے لیا۔
وزارتِ فوڈ کے حکام کا کہنا ہے کہ وفاقی حکومت نے ملک بھر میں موجود چینی کا تمام ذخیرہ اپنے کنٹرول میں لے لیا ہے۔
حکام کے مطابق 18 شوگر ملز کے مالکان کے نام بھی ای سی ایل میں ڈال دیے گئے، چند دنوں میں ای سی ایل میں ڈالے گئے نام بھی جاری کریں گے۔
انہوں نے بتایا ہے کہ 19 لاکھ میٹرک ٹن چینی شوگر ملز کی بجائے حکومتی کنٹرول میں چلی گئی ہے، یہ فیصلہ چینی کی مصنوعی قلت اور قیمتیں مزید بڑھنے کے خدشے کے پیشِ نظر کیا گیا۔
وزارتِ فوڈ کے حکام نے بتایا ہے کہ تمام شوگر ملز میں چینی کے اسٹاک پر ایف بی آر کے ایجنٹس تعینات کر دیے گئے ہیں، شوگر ملوں کے چینی کے اسٹاک پر ٹریک اینڈ ٹریس سسٹم لگا دیا گیا ہے۔
