فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے پہلے روز زبردست تیزی کا رجحان دیکھا جارہا ہے۔
بازار حصص میں کاروبار کا آغاز 927 پوائنٹس کی زبردست تیزی سے ہوا، جس کے بعد مارکیٹ نے نیا ریکارڈ قائم کرتے ہوئے پہلی بار ایک لاکھ 42 ہزار کا سنگ میل عبور کرلیا۔
100 انڈیکس میں کاروبار کے دوران 100 انڈیکس میں ایک ہزار 96 پوائنٹس کا اضافہ ہوا جس کے بعد 100 انڈیکس ایک لاکھ 42 ہزار 131 کی بلندی پر پہنچ گیا۔
آج اب تک کے کاروبار کے دوران 100 انڈیکس ایک لاکھ 42 ہزار 252 کی بلند ترین سطح پر بھی پہنچا۔
واضح رہے کہ گزشتہ کاروباری ہفتے کے آخری روز کاروبار کے اختتام پر 100 انڈیکس ایک لاکھ 41 ہزار 34 پوائنٹس کی بلندی پر بند ہوا تھا۔
