فرمان الہی
نماز کے اوقات
اداکارہ مہر بانو اپنی بیلی ڈانس ویڈیو پر شدید تنقید کی زد میں آگئیں، سوشل میڈیا صارفین نصیحتیں کرنے لگے۔
معروف پاکستانی اداکارہ مہر بانو ایک بار پھر سوشل میڈیا پر بحث کا مرکز بن گئیں، جب انہوں نے حال ہی میں عربی موسیقی پر بیلی ڈانس کی ویڈیو شیئر کی۔
مہر بانو کئی مشہور ڈراموں میں اپنی جاندار اداکاری سے پہچانی جاتی ہیں، وہ منفی کرداروں میں بھی اپنی صلاحیتوں کا لوہا منوا چکی ہیں، تاہم ان کی بولڈ ویڈیوز اکثر سوشل میڈیا پر تنازعات کو جنم دیتی ہیں۔
ویڈیو میں وہ نارجی آف شولڈر ٹاپ پہنے دکھائی دے رہی ہیں جس پر صارفین کی جانب سے سخت ردعمل سامنے آ رہا ہے۔
حالیہ ویڈیو پر سوشل میڈیا صارفین نے ناراضی کا اظہار کرتے ہوئے اسے فحش اور غیر اخلاقی قرار دیا۔
ایک صارف نے اداکارہ کے لیے ہدایت کی دعا کی۔ ایک اور صارف نے مشورہ دیتے ہوئے لکھا، ’ایسے کام نہ کرو جس پر کل کو شرمندگی ہو، خیر ہر ایک کی اپنی مرضی ہے۔‘
ایک ناراض مداح نے طنزیہ انداز میں کہا، ’اس ویڈیو سے کیا حاصل ہوا؟ خوشی ملی؟ کتنے پیسے اکاؤنٹ میں آئے؟‘
واضح رہے کہ یہ پہلا موقع نہیں کہ مہر بانو اپنی رقص کی ویڈیوز یا بولڈ انداز کے باعث تنقید کی زد میں آئی ہوں۔
