فرمان الہی
نماز کے اوقات
وزیراعظم شہباز شریف نے آرمی راکٹ فورس کمانڈ کی تشکیل کا اعلان کردیا اور کہا کہ فورس کمانڈ کی تشکیل جنگی صلاحیت کی جانب اہم سنگ میل ہے۔
اسلام آباد میں یوم آزادی کی مرکزی تقریب سے خطاب وزیراعظم نے کہاکہ ہماری ایٹمی طاقت کسی طور پر جارحانہ سوچ نہیں رکھتی ہے۔
شہباز شریف نے کہا ہے کہ معرکہ حق نے ثابت کیا کہ ہم اس آزادی کی حفاظت کرنے کی طاقت رکھتے ہیں۔
انہوں نے کہا کہ یہ صرف آزادی کی جنگ نہیں دو قومی نظریےکی فتح تھی، تحریک پاکستان کے تمام قائدین اور کارکنوں کو سلام عقیدت پیش کرتا ہوں۔
شہباز شریف نے مزید کہا کہ ہم نے جشن آزادی کو معرکہ حق کا نام دیا ہے، چار دن کے اندر بھارت کا غرور مٹی میں مل گیا۔ بھارت کی آنے والی نسلیں اس شکست کویاد رکھیں گی، معرکہ حق نےثابت کیا کہ ہم اس آزادی کی حفاظت کرنے کی طاقت رکھتے ہیں۔
وزیراعظم نے یہ بھی کہا کہ بھارت نے پاکستان پرحملہ کیا اس کو گھمنڈ تھا کہ اپنی جنگی طاقت سے پاکستان کو زیر کرے گا، ہمارے دوست ممالک نے مشکل گھڑی میں ہمارا حوصلہ بڑھایا۔
انہوں نے کہا کہ ہم نے بھارت کی جوہری طاقت کےمقابلے میں ایٹمی طاقت کے حصول کا راستہ اپنایا، ہماری ایٹمی طاقت کسی طور پر جارحانہ سوچ نہیں رکھتی۔
شہباز شریف نے کہا کہ چین، سعودی عرب، ترکیے، آذربائیجان، یو اے ای، ایران نے پاکستانی موقف کی کھل کرحمایت کی۔
اُن کا کہنا تھا کہ امریکی صدر کا شکریہ ادا کرتا ہوں جنہوں نے جنگ بندی کےلیےٹھوس کوششیں کیں، امید ہے ٹرمپ کشمیر کا مسئلہ اقوام متحدہ کی قرارداوں کے مطابق حل کروائیں گے۔
