فرمان الہی
نماز کے اوقات
ذرائع پاکستان ہاکی فیڈریشن (پی ایچ ایف) نے بتایا ہے کہ پاکستانی ہاکی ٹیم کا ایشیا کپ کے لیے بھارت جانے کا امکان نہیں ہے۔
پاکستان ہاکی فیڈریشن کے ذرائع نے پاکستان ہاکی ٹیم کی پرو ہاکی لیگ اور ایشیا کپ میں شرکت کے حوالے سے بتایا کہ پرو ہاکی لیگ میں پاکستان ہاکی ٹیم کی شرکت سے متعلق فیصلہ 18 اگست تک متوقع ہے۔
ذرائع کا کہنا ہے کہ پاکستان ہاکی فیڈریشن نے 18 اگست تک انٹرنیشنل ہاکی فیڈریشن کو بتانا ہے۔
ذرائع نے مزید بتایا کہ حکومت کی جانب سے اچھا رسپانس ملا ہے اور وزارت خزانہ سے میٹنگز جاری ہیں، ایک دو مزید میٹنگز ہوں گی اس کے بعد فیصلہ جائے گا۔
ذرائع نے کہا کہ ایشیا کپ کے لیے بھارت جانے پر بھی باضابطہ اعلان دو تین روز میں ہو جائے گا تاہم ایشیا کپ کےلیے اس وقت بھارت جانے کا امکان نہیں ہے۔
ذرائع نے مزید بتایا کہ کھلاڑیوں کو بھی ایشیا کپ کے حوالے سے کچھ نہیں بتایا اور ایشیا کپ میں ہماری بھی کوئی دلچسپی نہیں ، پہلے اپنے ملک کو دیکھنا ہے۔
