فرمان الہی
نماز کے اوقات
پنجاب حکومت نے اگلے سال فروری سے لاہور میں ٹرام سروس شروع کرنے کا اعلان کردیا۔
وزیر ٹرانسپورٹ پنجاب بلال اکبر نے بتایا کہ ٹرام کا ٹیسٹ کامیاب ہو گیا ہے، ٹھوکر نیاز بیگ سے ہربنس پورہ تک ٹرام سروس فروری 2026 سے شروع ہوگی، 270 نشستوں کی ٹرام کے منصوبے پر 30 لاکھ ڈالر لاگت آئے گی۔
صوبائی وزیر نے بتایا کہ فیصل آباد اور گوجرانوالہ میں بھی میٹرو ٹرین چلانے کا فیصلہ کیا گیا ہے، ٹرام اور میٹرو منصوبے ماحولیاتی آلودگی پر قابو پانے کی کوشش ہیں۔
خیال رہے کہ گزشتہ دنوں وزیر اعلیٰ پنجاب مریم نواز نے ملک کی پہلی اربن الیکٹرک ٹرین ’’سپر اٹانومس ریپڈ ٹرانزٹ"میں تجرباتی سفر کیا تھا۔
مریم نواز کا کہنا تھا کہ پنجاب کے عوام کیلئے اب ہر روز خوشی کی خبر منتظر ہوتی ہے، ایس آر ٹی چلنے سے لاہور کی خوبصورتی دوبالا ہوگی، گوجرانوالا اور فیصل آباد میں بھی ایس آر ٹی کی خوش خبری آ رہی ہے۔
ترجمان پنجاب حکومت کےمطابق سپر اٹانومس ریپڈ ٹرانزٹ ترکیہ، چین، ابوظہبی اور دیگر ممالک میں کامیابی سےچل رہی ہے، ایس آر ٹی میں 3 بوگیاں لگائی گئی ہیں، 4 کی گنجائش ہے، جدید ترین ایس آر ٹی میں 320 مسافروں کی گنجائش ہے، جو ایک بار چارجنگ کے بعد 40 کلومیٹر سفر کر سکتی ہے، سپر اٹانومس ریپڈ ٹرانزٹ میں ایئرکنڈیشنر سمیت دیگر سہولتیں موجود ہیں۔
وزیراعلیٰ پنجاب مریم نواز کا کہنا تھا کہ ایس آر ٹی سے ماحولیاتی آلودگی میں کمی کے ساتھ ٹریفک میں بہتر ی بھی آئے گی۔
