• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

9 مئی مقدمات میں نااہلی پانے والے ارکان کو پی ٹی آئی اپنا حقیقی نمائندہ سمجھتی ہے، اعلامیہ

فائل فوٹو
فائل فوٹو

تحریک انصاف کی سیاسی کمیٹی کے اجلاس کا اعلامیہ جاری کردیا گیا۔

اعلامیے کے مطابق سیاسی معاملات مزید مشاورت کے لیے سیاسی کمیٹی کے سپرد کردیے گئے۔

اعلامیے میں کہا گیا ہے کہ توشہ خانہ ٹرائل کی اڈیالہ جیل میں روزانہ سماعت پر گہری تشویش ہے، روزانہ سماعت سے ملزمان کے بنیادی حقوق متاثر ہوں گے، انصاف کی فراہمی میں رکاوٹ روزانہ سماعت سے پیدا ہوگی۔

پی ٹی آئی نے اعلامیے میں کہا ہے کہ 9 مئی کے مقدمات میں نااہلی پانے والے ارکان کو پی ٹی آئی اپنا حقیقی نمائندہ سمجھتی ہے، نااہل ارکان کے حلقوں میں ہونے والے ضمنی انتخابات کا بائیکاٹ کیا جائے گا، ناحق سزائیں پانے والے اراکین کو خراجِ تحسین پیش کرتے ہیں۔

اعلامیے میں کہا گیا ہے کہ لاہور کے حلقہ این اے 129 پر انتخاب میں حصہ لیا جائے گا، میاں اظہر کی وفات کے بعد خالی ہونے والی نشست پر امیدوار کھڑا کرنے کا فیصلہ کیا گیا ہے۔

اس حوالے سے بتایا گیا ہے کہ بانی پی ٹی آئی کی ہدایت پر قومی اسمبلی کی پبلک اکاؤنٹس کمیٹی سے استعفے کا اعلان کیا گیا ہے کہ اور اسٹینڈنگ کمیٹیوں کی چیئرمین شپ اور رکنیت سے بھی فوری استعفوں کی ہدایت دی گئی ہے۔

قومی خبریں سے مزید