فرمان الہی
نماز کے اوقات
بھارتی گلوکار و اداکار گرو رندھاوا کو نئے گانے کی ویڈیو میں اسکول کی طالبہ کے لباس میں اداکارہ کا بولڈ ڈانس کروانا مہنگا پڑ گیا۔
مشہور پنجابی گلوکار گرو رندھاوا اپنے نئے گانے ازول نمبر کی وجہ سے شدید تنقید کی زد میں آگئے، انہیں انسٹاگرام پر تبصروں کا آپشن بند کرنا پڑگیا۔
سوشل میڈیا صارفین اور ناقدین نے الزام عائد کیا ہے کہ اس میوزک ویڈیو میں اسکول طالبہ کو جنسی انداز میں پیش کیا گیا ہے اور استاد، شاگرد کے رشتے کو نامناسب اور رومانوی انداز میں دکھایا گیا ہے۔
ویڈیو میں میں گرو رندھاوا کو ایک فوٹوگرافی ٹیچر کے طور پر دکھایا گیا ہے جو کلاس کی گروپ تصویر لینے کے منتظر ہیں۔ اسی دوران اداکارہ انشیکا پانڈے اسکول یونیفارم میں آتی ہیں اور رقص پیش کرتی ہیں، جس پر گرو کا کردار واضح طور پر مسحور نظر آتا ہے، بعد ازاں انشیکا عام کپڑوں میں بولڈ ڈانس کرتی ہیں۔
سوشل میڈیا پر ویڈیو کے خلاف شدید ردعمل سامنے آیا ہے۔ ناقدین کا کہنا ہے کہ یہ ویڈیو اخلاقی طور پر غلط رشتے کو دلکش انداز میں پیش کرنے کی کوشش کررہی ہے۔
سوشل میڈیا صارفین کی جانب سے جب انسٹاگرام پر اعتراض کیا گیا تو گلوکار نے کمنٹس بند کر دیے۔
