فرمان الہی
نماز کے اوقات
دبئی میں سابق گورنر سندھ عشرت العباد سے سابق رکنِ اسمبلی محمود مولوی نے ملاقات کی ہے۔
ڈاکٹر عشرت العباد نے اس ملاقات کے حوالے سے بتایا ہے کہ ملاقات میں پاکستان کی سیاسی صورتِ حال پر تبادلۂ خیال کیا گیا۔
انہوں نے کہا ہے کہ پاکستان اور خاص طور پر کراچی میں انتظامی اصلاحات وقت کی ضرورت ہیں۔
سابق گورنر سندھ نے کہا ہے کہ نئے انتظامی یونٹس کا قیام اور اصلاحات پسماندہ علاقوں کی محرومی ختم کرنے کے لیے ناگزیر ہیں۔
ان کا مزید کہنا ہے کہ کراچی کا موجودہ انتظامی ڈھانچہ آبادی کی ضروریات پوری کرنے میں ناکام ہو چکا ہے۔
دبئی میں سابق گورنر سندھ عشرت العباد کا یہ بھی کہنا ہے کہ موجودہ انتظامی ڈھانچہ بد انتظامی اور عوامی محرومی پیدا کر رہا ہے۔
