• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی ٹی وی کی معروف اینکر 42 سال کی عمر میں دل کا دورہ پڑنے سے چل بسیں

فوٹو: امریکی میڈیا
فوٹو: امریکی میڈیا 

امریکی ریاست مسیسیپی میں ٹی وی چینل کی اینکر سیلسٹ ولسن اچانک دل کا دورہ پڑنے سے 42 برس کی عمر میں چل بسیں۔

امریکی میڈیا کے مطابق سیلسٹ ولسن  کا تعلق ریاست لوزیانا کے شہر نیو اورلینز سے تھا۔ انہوں نے ایریزونا اسٹیٹ یونیورسٹی سے ماسٹرز کیا اور کیریئر کا آغاز لوزیانا کے مونو میں سی بی سی سے وابستہ چینل پر کیا۔

بعد ازاں انہوں نے کئی مقامی نیوز اسٹیشنز میں خدمات انجام دیں اور ایک ہفتہ وار پروگرام کی میزبانی بھی کی۔

چینل انتظامیہ کا کہنا ہے کہ وہ کمال کی پیشہ ور خاتون تھیں، جن کی مسکراہٹ کمرے کو روشن کر دیتی تھی۔ انہوں نے ہمیشہ اعلیٰ معیار قائم رکھا اور دوسروں کو بھی آگے بڑھنے کی ترغیب دی۔ 

سیلسٹ ولسن  کی موت پر ان کی ساتھی اینکر میگن ویسٹ اور دیگر نے انہیں خراج تحسین پیش کیا اور گہرے دکھ کا اظہار کیا۔

بین الاقوامی خبریں سے مزید