فرمان الہی
نماز کے اوقات
کراچی یونیورسٹی ٹیچرز سوسائٹی (KUTS) نے جامعہ کراچی کی زمین پر قبضے کی کوشش کی شدید مذمت کرتے ہوئے کہا ہے کہ جامعہ کراچی کی اراضی تعلیمی مقاصد کے لیے مختص ہے اور اس پر کسی قسم کی غیرقانونی تجاوزات یا قبضہ کسی صورت برداشت نہیں کیا جائے گا۔
کراچی یونیورسٹی ٹیچرز سوسائٹی کے صدر ڈاکٹر محسن نے کہا کہ جمعہ کو جامعہ کراچی کے گیٹ نمبر ایک کے سامنے KDA حکام اور پولیس کی موجودگی میں زمین پر قبضہ کرنے کی کوشش انتظامیہ اور اساتذہ برادری کے لیے نہایت تشویشناک اور ناقابلِ قبول عمل ہے۔
KUTS واضح کرنا چاہتی ہے کہ جامعہ کراچی کی زمین پر پہرا اساتذہ، طلبہ اور انتظامیہ کی مشترکہ ذمہ داری ہے اور اس پر ہاتھ ڈالنا تعلیمی مستقبل کے ساتھ کھیلنے کے مترادف ہے۔
یونیورسٹی انتظامیہ کی بروقت مزاحمت قابلِ تحسین ہے اور KUTS ہر سطح پر اس غیر قانونی اقدام کے خلاف آواز بلند کرے گی، اگر KDA نے اپنے جارحانہ رویے سے باز نہ آیا تو اساتذہ برادری احتجاج کا حق محفوظ رکھتی ہے۔
حکومتِ سندھ اور اعلیٰ حکام سے پر زور مطالبہ ہے کہ جامعہ کراچی کی اراضی پر کسی بھی قسم کی تجاوزات کی کوشش کو فی الفور روکا جائے اور یونیورسٹی کی خودمختاری اور وقار کو یقینی بنایا جائے۔
