فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے پہلے روز اتار چڑھاؤ کے بعد تیزی دیکھی گئی۔
کاروبار کے اختتام پر بازار حصص کے 100 انڈیکس میں ایک ہزار 353 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 49 ہزار 971 پوائنٹس پر بند ہوا۔
کاروبار کے دوران بینچ مارک 100 انڈیکس ایک لاکھ 50 ہزار 66 پوائنٹس کی بلندی پر پہنچا جبکہ ایک لاکھ 48 ہزار 500 کی نچلی سطح تک بھی گیا۔
آج اسٹاک مارکیٹ میں ایک ارب 18 کروڑ سے زائد کے شیئرز کا کاروبار ہوا جس کی مالیت 48 ارب سے زائد رہی۔
واضح رہے کہ گزشتہ ہفتے کے آخری روز کاروبار کے اختتام پر 100 انڈیکس ایک لاکھ 48 ہزار 617 پوائنٹس پر بند ہوا تھا۔
