فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز ایک اور تاریخ رقم ہوگئی، تیزی کے باعث 100 انڈیکس ایک لاکھ 53 ہزار کی حد عبور کرتے ہوئے تاریخ کی بلند ترین سطح پر پہنچ گیا۔
کاروبار کے اختتام پر بازار حصص کے 100 انڈیکس میں 463 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 52 ہزار 665 پوائنٹس پر بند ہوا۔
کاروبار کے دوران بینچ مارک 100 انڈیکس ایک لاکھ 53 ہزار 411 پوائنٹس کی بلند ترین سطح پر بھی پہنچا۔
آج اسٹاک مارکیٹ میں 9 کروڑ 53 لاکھ سے زائد کے شیئرز کا کاروبار ہوا جس کی مالیت 46 ارب سے زائد رہی۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 52 ہزار 201 پوائنٹس پر بند ہوا تھا۔
