فرمان الہی
نماز کے اوقات
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے قطر کے نائب وزیراعظم و وزیر مملکت دفاعی امور سے ملاقات کی ہے۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے قطر کے سرکاری دورے میں ہائر ملٹری کوآپریشن کمیٹی کے دوسرے اجلاس میں بھی شرکت کی۔
مسلح افواج کے شعبہ تعلقات عامہ آئی ایس پی آر کے مطابق جنرل ساحر شمشاد نے قطر کی مسلح افواج کے چیف آف اسٹاف لیفٹیننٹ جنرل جاسم محمد سے بھی ملاقات کی۔
اس موقع پر قطر کی سول و عسکری قیادت نے خطے میں امن و استحکام کے لیے پاکستان کے ذمے دارانہ کردار کو سراہا اور دہشت گردی کے خلاف جنگ میں پاک فوج کی پیشہ ورانہ صلاحیتوں اور قربانیوں کی تعریف کی۔
آئی ایس پی آر کے مطابق قطر آرمڈ فورسز کے ہیڈکوارٹر پہنچنے پر جنرل ساحر شمشاد مرزا کو گارڈ آف آنر پیش کیا گیا، ملاقاتوں میں خطے کی بدلتی سیکیورٹی صورتحال پر تبادلہ خیال کیا گیا، جنرل ساحر شمشاد مرزا نے پاک قطر تاریخی برادرانہ تعلقات کو اُجاگر کیا۔
ملاقاتوں میں علاقائی و عالمی سطح پر امن و استحکام کے لیے مشترکہ عزم کا اعادہ کیا گیا۔
آئی ایس پی آر کے مطابق جنرل ساحر شمشاد مرزا نے دفاعی و سیکیورٹی شعبوں میں دو طرفہ تعاون پر بھی بات چیت کی۔
