فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری نے ایک بار پھر حکومت سے زرعی ایمرجنسی نافذ کرنے کا مطالبہ کر دیا۔
مظفر گڑھ کے علاقے ٹھٹھہ سیال میں سیلاب متاثرین سے گفتگو کرتے ہوئے انہوں نے کہا کہ کسانوں کے بجلی کے بل معاف کیے جائیں، کسانوں کو بیچ اور کھاد کی فراہم یقینی بنائی جائے۔
بلاول بھٹو زرداری کا کہنا ہے کہ یہ سیاسی بیان بازی کا موقع نہیں ہے، اس وقت یہ نہیں دیکھنا کہ متاثرہ شخص کا تعلق کہاں سے ہے، مشکل وقت میں عوام کا ساتھ دینا ہم سب کی ذمے داری ہے۔
چیئرمین پیپلز پارٹی نے سیلاب متاثرین کی مدد کے لیے اپیل کرنے کی تجویز دیتے ہوئے کہا کہ وفاقی حکومت کو صوبائی حکومت کے ساتھ مل کر کام کرنا ہوگا۔
انہوں نے کہا کہ مستحق متاثرین تک صحیح امداد پہنچنے کا ذریعہ بینظیر انکم سپورٹ پروگرام ہے۔
