فرمان الہی
نماز کے اوقات
ملک بھر کے لیے ماہانہ فیول ایڈجسٹمنٹ کی مد میں بجلی سستی کر دی گئی، جس کا نوٹیفکیشن بھی جاری کر دیا گیا ہے۔
نوٹیفکیشن کے مطابق نیپرا نے فیول ایڈجسٹمنٹ کی مد میں بجلی 1 روپے 79 پیسے فی یونٹ سستی کی ہے، بجلی جولائی 2025ء کی ماہانہ فیول پرائس ایڈجسٹمنٹ میں سستی کی گئی ہے۔
نوٹیفکیشن میں کہا گیا ہے کہ بجلی سستی کرنے کا اطلاق کےالیکٹرک اور ڈسکوز صارفین پر ہو گا، بجلی کے صارفین کو ریلیف ستمبر کے بلوں میں ملے گا۔
واضح رہے کہ سی پی پی اے نے جولائی کی ایڈجسٹمنٹ میں 1 روپے 69 پیسے فی یونٹ کمی مانگی تھی۔
فیول ایڈجسٹمنٹ کی مد میں بجلی سستی کرنے سے صارفین کو تقریباً ساڑھے 24 ارب روپے کا ریلیف ملے گا۔
دوسری جانب کے الیکٹرک کے لیے جون کی فیول پرائس ایڈجسٹمنٹ مد میں بھی بجلی 78 پیسے فی یونٹ سستی کر دی گئی۔
جون اور جولائی کی ماہانہ ایڈجسٹمنٹ کی مد میں کے الیکٹرک صارفین کے لیے 2 روپے 57 پیسے کی کمی بنے گی۔
نوٹیفکیشن میں کہا گیا ہے کہ کےالیکٹرک صارفین کو جون کی ایڈجسٹمنٹ کا ریلیف بھی ستمبر کے بلوں میں ملے گا۔
جون کی ایڈجسٹمنٹ میں کمی کا ریلیف کراچی کے سوا باقی صارفین کو پہلے ہی مل چکا ہے۔
