فرمان الہی
نماز کے اوقات
اسلام آباد ہائی کورٹ نے قومی احتساب بیورو (نیب)، وفاقی تحقیقاتی ایجنسی (ایف آئی اے) اور پولیس سے بانی پاکستان تحریک انصاف (پی ٹی آئی) عمران خان کے خلاف درج مقدمات کی تفصیلات طلب کر لیں۔
اسلام آباد ہائی کورٹ کے جسٹس محمد اعظم خان نے عمران خان کی جانب نیب، پولیس اور ایف آئی اے کی کارروائیاں روکنے کی درخواست پر سماعت کی۔ وکیل سلمان صفدر، بانی پی ٹی آئی کی بہنیں اور نیب حکام عدالت میں پیش ہوئے۔
سماعت کے دوران بانی پی ٹی آئی کے وکیل نے لارجر بینچ تشکیل دینے کی استدعا کی تاہم نیب حکام نے مخالفت کرتے ہوئے کہا کہ درخواست میں ایسی کوئی گراؤنڈ نہیں جس کی بنا پر لارجر بینچ تشکیل دیا جائے۔
اسپیشل پراسیکیوٹر نیب نے عدالت میں کہا کہ وقت دیا جائے، بانی پی ٹی آئی کے خلاف مقدمات کی تفصیلات فراہم کردیتے ہیں۔
جس پر بانی پی ٹی آئی کے وکیل نے کہا کہ فریقین کو 7 روز کا وقت دے دیں۔
بعدازاں اسلام آباد ہائی کورٹ نے نیب، ایف آئی اے اور پولیس سے بانی پی ٹی آئی کے خلاف درج مقدمات کی تفصیلات طلب کر لیں۔
