فرمان الہی
نماز کے اوقات
مسلم لیگ (ق) کی جانب سے وضاحت کی گئی ہے کہ پارٹی کے صدر چوہدری شجاعت حسین پاکستان باڈی بلڈنگ فیڈریشن کے چیئرمین نہیں بنے۔
مسلم لیگ (ق) کے ترجمان مصطفیٰ ملک کے مطابق چوہدری شجاعت سے گزشتہ روز باڈی بلڈنگ فیڈریشن کے صدر اور پارٹی سیکریٹری جنرل طارق حسن نے ملاقات کی تھی۔
ترجمان کا کہنا ہے کہ چوہدری شجاعت پاکستان کبڈی فیڈریشن کے صدر رہ چکے ہیں جبکہ چوہدری شافع حسین اب پاکستان کبڈی فیڈریشن کے صدر ہیں۔
مصطفیٰ ملک نے کہا ہے کہ چوہدری شجاعت اور ان کا خاندان کھیلوں کے فروغ میں ہمیشہ نمایاں کردار ادا کرتا رہا ہے۔
