فرمان الہی
نماز کے اوقات
ایشیاء کپ ٹی ٹوئنٹی 2025ء میں پاک بھارت میچ کے دوران حارث رؤف اور ابھیشیک شرما کے درمیان گرما گرمی ہو گئی۔
ایشیاء کپ 2025ء کے سپر فور مرحلے میں پاکستان اور بھارت کے درمیان دبئی میں جاری سنسنی خیز میچ کے دوران پاکستانی فاسٹ بولر حارث رؤف اور بھارتی کھلاڑیوں کے درمیان گرما گرمی دیکھنے میں آئی۔
حارث رؤف کے اوور کی پہلی گیند پر بھارتی اوپنر شبمن گل نے 142 کلومیٹر فی گھنٹہ کی رفتار سے آنے والی گیند کو مڈ وکٹ کی جانب شاٹ کھیل کر چوکا جڑ دیا۔
اس شاٹ کے فوراً بعد حارث رؤف اور بھارتی بیٹر ابھشیک شرما کے درمیان تلخ جملوں کا تبادلہ ہوا، جس پر امپائر کو مداخلت کرنا پڑی۔
اسی اوور میں ابھیشیک شرما نے بھی حارث رؤف پر دباؤ ڈالنے کی کوشش کی اور ایک چوکا مارتے ہوئے مجموعی طور پر 7 رنز بٹورے۔
اس دوران دونوں کھلاڑیوں کے درمیان مسلسل نظریں ملتی رہیں اور ماحول میں کشیدگی بڑھتی گئی۔
حارث رؤف اور ابھیشیک شرما کے مابین ہونے والی گرما گرمی تماشائیوں کے لیے بھی انتہائی پرجوش لمحہ ثابت ہوئی۔
دونوں ٹیموں کے سپورٹرز نے اپنے اپنے کھلاڑیوں کو سپورٹ کرتے ہوئے زور دار نعرے لگائے، جس سے میچ کا ماحول مزید گرما گیا۔
