فرمان الہی
نماز کے اوقات
ایشیاء کپ ٹی ٹوئنٹی 2025ء میں پاک بھارت میچ کے دوران پاکستانی اوپنر فخر زمان کو آؤٹ دیے جانے کے فیصلے پر سوالات اٹھنے لگے، سابق کھلاڑیوں نے ان کے آؤٹ کو غلط قرار دیا۔
پاکستان کے پہلے آؤٹ ہونے والے کھلاڑی فخر زمان تھے جو 15 رنز بنا کر 21 کے مجموعی اسکور پر آؤٹ ہوئے، ان کی وکٹ ہاردک پانڈیا نے لی، تاہم فخر زمان کو آؤٹ دیے جانے کے فیصلے کو سابق کھلاڑیوں اور سوشل میڈیا صارفین غلط قرار دے رہے ہیں۔
بھارتی بولر ہاردک پانڈیا کی گیند پر فخر زمان کے آؤٹ ہونے کا فیصلہ فیلڈ امپائرز سے تھرڈ امپائر کی طرف بھیجا گیا، ایکشن ری پلے دیکھنے پر یہ واضح نظر آیا کہ گیند زمین پر لگنے کے بعد وکٹ کیپر کے ہاتھ میں آئی تاہم تھرڈ امپائر نے فخر زمان کو آؤٹ قرار دیا، تھرڈ امپائر کے اس فیصلے پر فخر زمان نے بھی حیرت کا اظہار کیا۔
قومی ٹیم کے سابق کھلاڑیوں نے بھی فخر زمان کے حق میں رائے دیتے ہوئے انہیں ناٹ آؤٹ قرار دیا۔
فاسٹ بولر محمد عامر نے سماجی رابطے کی ویب سائٹ ایکس پر اپنے پیغام میں کہا ہے کہ فخر زمان آؤٹ نہیں تھے۔
ایکس پر کی گئی اپنی پوسٹ میں فواد عالم نے لکھا کہ ایسا لگتا ہے کہ ہم 11 کے بجائے 14 کھلاڑیوں کے خلاف کھیل رہے ہیں، فخر زمان واضح طور پر ناٹ آؤٹ تھے۔
پاکستان کے معروف گلوکار علی ظفر نے بھی فخر زمان کو آؤٹ دیے جانے کے فیصلے کو غلط قرار دیا ہے۔
پاکستان کی شاندار کارکردگی پہ علی ظفر نے کرکٹ ٹیم کو مبارک باد دی اور کہا کہ ٹیم نے فخر زمان کے غلط آوٹ ہونے کے باوجود اچھا کھیلا ہے۔
