فرمان الہی
نماز کے اوقات
لاہور کے نیشنل ہاکی اسٹیڈیم میں چوتھے چیف آف دی نیول اسٹاف آل پاکستان ہاکی ٹورنامنٹ کا آغاز ہو گیا۔
افتتاحی میچ میں پاکستان نیوی نے پورٹ قاسم کو 2 کے مقابلے میں 3 گول سے ہرا دیا۔
افتتاحی تقریب کے مہمانِ خصوصی کمانڈر سینٹرل پنجاب ریئر ایڈمرل سہیل احمد عزمی نے ٹورنامنٹ کے آغاز کا اعلان کیا، پھر گراؤنڈ میں ہاکی کھیل کر ایونٹ کا افتتاح کیا اور کھلاڑیوں سے ملاقات کی۔
تقریب میں پاکستان ہاکی ٹیم کے ہیڈ کوچ اولمپیئن طاہر زمان، شہباز احمد سینئر سمیت ہاکی کے کھلاڑیوں نے بڑی تعداد میں شرکت کی۔
4 اکتوبر تک جاری رہنے والے ٹورنامنٹ کے پہلے روز ایک میچ کھیلا گیا۔ جس میں نیوی نے پورٹ قاسم کو 2 کے مقابلے میں 3 گول سے شکست دی۔
نیوی کی جانب سے بشارت علی نے 2 اور محمد شہیر نے 1 گول اسکور کیا۔
پورٹ قاسم کے عاطف یعقوب اور علیم نے 1، 1 گول بنایا، عمدہ کھیل پر نیوی کے بشارت علی کو مین آف دی میچ قرار دیا گیا۔
